Starts: 
Saturday, April 22, 2017 -
13:00 to 16:00
Specific location: 
Leifur Eiríksson statue

Á Degi Jarðar, laugardaginn 22. apríl næstkomandi fer Vísindagangan fram í miðbæ Reykjavíkur. Um er að ræða samstöðumótmæli með vísindasamfélaginu í Bandaríkjunum en meginviðburðurinn fer fram í Washington DC undir merkjum "March for Science".

Gengið verður frá Skólavörðuholti kl. 13 niður að Iðnó, þar sem haldinn verður umræðufundur um þá vá er steðjar að vísindunum í Bandaríkjunum og víðar og þær afleiðingar sem þöggun og niðurskurður í vísindum hefur fyrir samfélagið og Jörðina.
Dagsetningin sem varð fyrir valinu er táknræn bæði vegna þess að áhugafólk um vísindi um allan heim taka höndum saman þennan dag í Vísindagöngunni, og vegna þeirra geigvænlegu áhrifa sem það mun hafa á Jörðina verði viðvaranir vísindafólks um áhrif loftslagsbreytinga virtar að vettugi.

Umræðufundurinn hefst kl. 14. í Iðnó og framsögufólk verður:

Ashley Mears, dósent í félagsfræði við Boston University
Halldór Björnsson, haf- og veðurfræðingur við Veðurstofu Íslands
Ragnhildur Helgadóttir, prófessor við Lagadeild Háskólans í Reykjavík

Fundarstjóri: Erna Magnúsdóttir, forseti Vísindafélags Íslendinga.

Nánari upplýsingar um viðburðinn er að finna á Facebook-viðburði göngunnar:
https://www.facebook.com/events/608584169266237/

Það eru öll velkomin á þennan viðburð, vísindamenn sem og áhugamenn um vísindi á öllum aldri.
 

Þú ert að nota: brimir.rhi.hi.is